Ein cynigion

Er mwyn cysylltu ynni adnewyddadwy yn y canolbarth â’r Grid Cenedlaethol yn Lower Frankton, Swydd Amwythig, rydym yn cynnig cysylltiad 132 kV newydd.

Mae’r Prosiect yn cynnwys:

• Is-orsaf gasglu 132 kV newydd ger Cefn Coch, Powys, a elwir yn is-orsaf Grug y Mynydd
• Tua 4.8km o gebl tanddaearol o is-orsaf Grug y Mynydd trwy Barc Ynni Arfaethedig Llyn Lort i gompownd selio pen cebl yng Nghors y Carreg
• Byddai compownd selio pen cebl Cors y Carreg yn galluogi pontio rhwng ceblau tanddaearol a dargludyddion uwchben
• Tua 45km o linell newydd uwchben a gynhelir ar beilonau rhwyllog dur L7(c) (uchder cyfartalog o 28.5m) o gompownd selio pen cebl yng Nghors y Carreg i orsaf gyfnewid newydd
• Gorsaf gyfnewid ger Lower Frankton, Swydd Amwythig sy'n caniatáu i'r pŵer gael ei ynysu o is-orsaf posib newydd sy'n cael ei datblygu gan y Grid Cenedlaethol i gysylltu â'r system drawsyrru trydan cenedlaethol 400kV bresennol
• Tir y bydd ei angen ar gyfer mesurau lliniaru amgylcheddol, iawndal a gwella

Yn ogystal â'r seilwaith parhaol, byddai angen tir dros dro hefyd ar gyfer gweithgareddau adeiladu, gan gynnwys, er enghraifft, mannau gweithio ar gyfer offer a pheiriannau adeiladu, swyddfeydd safle, lles, storio a mynediad dros dro ar gyfer gwaith adeiladu.

Byddai angen dargyfeiriadau a / neu addasiadau o gyfleustodau trydydd parti hefyd i hwyluso'r gwaith o adeiladu'r Prosiect.

Mae’r dyluniad yn cynnwys peilonau gydag uchder cyfartalog o 28.5m. Dyma’r peilonau delltwaith lleiaf sydd ar gael i ni i drosglwyddo'r cyfanswm pŵer sy’n cael ei gynhyrchu. Maent yn fyrrach ac yn llai swmpus na’r cysylltiad blaenorol a gynhigiwyd gan y National Grid yn 2014.

Er mwyn hwyluso ein cais am gysylltiad, bydd National Grid Electricity Transmission yn datblygu ei gynigion ei hun ar gyfer is-orsaf 400 kV yn ardal Lower Frankton, a fydd yn cysylltu â’n his-orsaf 132 kV arfaethedig. I gael rhagor o wybodaeth am brosiect y Grid Cenedlaethol, ewch i: nationalgrid.com/lower-frankton