Y broses gynllunio a camau nesaf
Mae llinellau trydan foltedd uchel newydd sy’n hirach na 2km, ac yn rhannol neu’n gyfan gwbl yn Lloegr, yn cael eu dosbarthu fel Prosiect Seilwaith o Arwyddocâd Cenedlaethol (NSIP) o dan Ddeddf Cynllunio 2008.
Mae’r broses hon yn mynnu bod ceisiadau am gydsyniad datblygu yn cael eu penderfynu gan yr Ysgrifennydd Gwladol dros Ddiogeledd Ynni a Sero Net, yn hytrach na chan yr awdurdod cynllunio lleol (e.e. cyngor sir). Mae angen Gorchymyn Cydsyniad Datblygu (DCO) ar ddatblygwyr Prosiectau Seilwaith o Arwyddocâd Cenedlaethol cyn y gellir adeiladu’r cynigion.
Ar sail ein gwaith a’n hymgynghoriad hyd yma, rydym ni’n rhagweld y bydd y Prosiect yn cynnwys llinell uwchben sy’n hirach na 2km o hyd, ac felly bydd angen DCO arnom ni.
Mae ymgynghoriad statudol yn rhan o’r broses o gael Gorchymyn Caniatâd Datblygu (DCO) ar gyfer Prosiect Seilwaith o Arwyddocâd Cenedlaethol (NSIP). Mae’n gyfle i bobl adolygu a rhoi sylwadau ar gynigion manwl ar gyfer DCO.
Camau nesaf
Ar ôl yr ymgynghoriad, er mwyn symud ymlaen tuag at ein cais, byddwn yn:
- Adolygu ein cynigion yng ngoleuni’r adborth a gafwyd a’n hasesiadau parhaus i weld a oes ffyrdd y gallwn eu gwella.
- Ystyried sut gellid gwneud y gwaith trafnidiaeth ac adeiladu ac edrych ar gyfleoedd i leihau effeithiau hyn ar yr ardal, gan gynnwys eiddo, busnesau a hamdden. Byddai hyn yn cynnwys y ffordd orau o reoli cau ffyrdd posibl o amgylch rhan tanddaearol y llwybr. Byddem bob amser yn sicrhau bod modd cael mynediad at eiddo yn ystod y gwaith adeiladu.
- Cwblhau’r gofynion ar gyfer clirio coed a gwrychoedd a sut byddem yn rheoli effeithiau hyn, gan gynnwys gwaith adfer.
- Ystyried effaith weledol y cysylltiad i sefydlu pa fesurau lliniaru pellach y gallai fod eu hangen, a allai gynnwys tirweddu neu blannu i sgrinio offer.
- Edrych yn ofalus ar effeithiau amgylcheddol tebygol y cysylltiad arfaethedig ac a oes angen unrhyw fesurau lliniaru.
Ein cais
Pan fyddwn yn hapus bod y cynigion yn barod, byddwn yn paratoi ein cais a’r dogfennau ategol. Byddai hyn yn cynnwys Adroddiad Ymgynghori, i egluro sut rydym ni wedi ystyried eich safbwyntiau, a Datganiad Amgylcheddol, i egluro effeithiau amgylcheddol tebygol ein cynnig. Yna, byddem yn cyflwyno ein ceisiadau i’r cyrff perthnasol.
Ar y cam hwn, rydym yn rhagweld y bydd y cais am y cysylltiad yn cael eu cyflwyno i’r Ysgrifennydd Gwladol dros Ddiogeledd Ynni a Sero Net drwy’r Arolygiaeth Gynllunio.
Mae’r broses gynllunio yn darparu rhagor o gyfleoedd i bobl gyflwyno eu sylwadau i’r cyrff sy’n penderfynu er mwyn gallu ystyried y rhain ochr yn ochr â’n cais. Byddwn yn darparu rhagor o wybodaeth am y broses ymgeisio wrth i’n gwaith fynd rhagddo.
Bydd yr Arolygiaeth Gynllunio yn penodi Awdurdod Archwilio i archwilio’r cais DCO a gwneud argymhelliad i’r Ysgrifennydd Gwladol perthnasol sy’n gyfrifol am benderfynu ar y cais. Ar gyfer ein prosiect hwn fyddai'r Ysgrifennydd Gwladol dros Ddiogelwch Ynni a Net Sero.
Llinell amser y prosiect
Medi - Ymgynghoriad cyhoeddus cyntaf
Ail ymgynghoriad cyhoeddus a statudol
Cyflwyno ein DCO ar gyfer adolygiad
Y dyddiad cynharaf y byddair cais yn cael ei benderfynu
Gwaith adeiladu'n dechrau os yw'r prosiect yn cael cydsyniad
Cysylltiad Vyrnwy Frankton yn weithredol
Rhowch eich adborth
Gallwch ymateb i’r ymgynghoriad ar-lein. Anfonwch eich sylwadau neu adborth atom gan ddefnyddio'r ffurflen adborth yma.
Rhowch eich adborth