Darparu adborth

Gallwch ddylanwadu ar ein cynigion o hyd, a hoffem gael eich adborth er mwyn i ni allu parhau i edrych ar ffyrdd o gadw’r effeithiau mor isel â phosibl. Dywedwch wrthym a oes unrhyw newidiadau y credwch y gallwn eu gwneud i wella ein cynigion neu i leihau’r effeithiau ac, yn bwysicaf oll, pam.

Rydym yn gofyn am sylwadau ar ein holl gynigion, gan gynnwys:

  • Is-orsaf gasglu 132 kV newydd ger Cefn Coch, Powys, a elwir yn is-orsaf Grug y Mynydd
  • Tua 4.8km o gebl tanddaearol o is-orsaf Grug y Mynydd trwy Barc Ynni Arfaethedig Llyn Lort i gompownd selio pen cebl yng Nghors y Carreg
  • Byddai compownd selio pen cebl Cors y Carreg yn galluogi pontio rhwng ceblau tanddaearol a dargludyddion uwchben
  • Tua 45km o linell newydd uwchben a gynhelir ar beilonau rhwyllog dur L7(c) (uchder cyfartalog o 28.5m) o gompownd selio pen cebl yng Nghors y Carreg i orsaf gyfnewid newydd
  • Gorsaf gyfnewid ger Lower Frankton, Swydd Amwythig sy'n caniatáu i'r pŵer gael ei ynysu o is-orsaf posib newydd sy'n cael ei datblygu gan y Grid Cenedlaethol i gysylltu â'r system drawsyrru trydan cenedlaethol 400kV bresennol
  • Tir y bydd ei angen ar gyfer mesurau lliniaru amgylcheddol, iawndal a gwella

Mae sawl ffordd o ddarparu adborth ar y prosiect.

Dim ond adborth am gynigion y gallwn ei ystyried, ac nid themâu ehangach fel cynhyrchu ynni na pholisïau'r llywodraeth.

Rhowch adborth am ein cynigion yn unig. Po fwyaf o fanylion y gallwch eu darparu, y gorau y gallwn ddeall effeithiau posibl ein gwaith.

Cyflwynwch eich adborth i ni erbyn 23:59 ddydd Mercher 16 Ebrill 2025.

Mae’n bosib na fydd unrhyw adborth a ddaw i law ar ôl y dyddiad hwn yn cael ei ystyried gan ein tîm. Bydd yr holl adborth a gawn yn cael ei adolygu a’i ystyried yn ofalus wrth i ni ddatblygu a chyflwyno ein cynlluniau.

Rhowch eich adborth

Gallwch ymateb i’r ymgynghoriad ar-lein. Anfonwch eich sylwadau neu adborth atom gan ddefnyddio'r ffurflen adborth yma.

Rhowch eich adborth

Mae eich dyfodol craffach, adnewyddadwy yn dechrau heddiw.

Eisiau cael y wybodaeth ddiweddaraf?

Cofrestrwch eich manylion cyswllt gyda ni os hoffech gael gwybod am ein prosiect.

Cofrestrwch yma